HATAW! D'yaryo ng Bayan hatawtabloid.com
ANG bongga ni Klarisse de Guzman dahil siya ang Grand Winner ng Your Face Sounds Familiar Season 3.
Successful ang panggagaya niya kay Patti LaBelle, na ang nakuhang score ay percent mula sa combined accumulated scores at public votes.
“Sobrang ‘di po ako makapaniwala kasi sobrang tagal ko nang pinangarap na makahawak ng trophy as a title,” masayang-masayang sbi ni Klarisse, na nag-uwi ng tropeo, P1-M, at brand new house and lot mula sa Lessandra.
“Mahal na mahal ko po ‘tong show and hindi ko po makalilimutan ang experience na ito kasi parang iniba niya po ako. Na-try ko ‘yung mga bagay na hindi ko nagagawa before so, maraming-maraming salamat po,” susog pa niya.
Pumangalawa sa kanya si Lie Reposposa na ginaya si Dulce (80.43%), kasunod sina Vivoree Esclito na nag ala-Ariana Grande (78.4%), ang iDolls na umawit bilang the Three Tenors (72.35%), si Christian Bables na lumabas bilang Lady Gaga (63.2%), si CJ Navato na nag-ala Bruno Mars (59.39%), at si Geneva Cruz na lumabas bilang Nicole Scherzinger (46.88%).
Sa Grand Showdown, pinakanagningning si Klarisse na una nang ginaya sina Christina Aguilera, Shakira, Jaya, Britney Spears, Minnie Riperton, Mariah Carey, Tom Jones, Lani Misalucha, Sharon Cuneta, Ann Wilson, Aretha Franklin, at Toni Basil, at nanalo rin ng apat na beses bilang weekly winner.
Sinusundan ni Klarisse sina Melai Cantiveros-Francisco at Denise Laurel bilang Grand Winners sa Your Face Sounds Familiar, na nagkaroon din ng kid editions na nagwagi naman sina Awra Briguela at TNT Boys.
SHOWBIZ KONEK
ni Maricris Valdez Nicasio
