Tuesday , May 28 2024
Abu Tratter Robert Bolick Rayray Parks CJ Perez Paul Desiderio Bong Quinto
Abu Tratter Robert Bolick Rayray Parks CJ Perez Paul Desiderio Bong Quinto

48 aplikante, masusubok sa PBA Draft Combine

MAYROONG tsansa ang 48 aplikante ngayon upang patu­nayan ang kanilang kahandaan na makapasok sa Philippine Basketball Association (PBA) dahil sasailalim sila sa dalawang araw na pagsubok.

Sasalang sila sa mahirap na PBA Draft Combine simula ngayon hanggang bukas na susubukan ang lahat ng kanilang kakayahan bago malaman kung pasado ba silang makasali sa PBA Annual Rookie Draft na gaganapin sa Robinson’s Place sa Ermita, Maynila sa Linggo, 16 ng Disyembre.

Ilan sa mga krusyal na pagsubok ang dribbling at shooting test, standing at maximum vertical jump, court sprint, lane agility at iba pang modified event tests.

Aalamin din ang kanilang taas at timbang gayondin ang reach, wingspan, hand-length at hand-width.

Matapos iyon ay hahatiin sa iba’t ibang grupo ang 44 aplikante para sa gaganaping mini-basketball tournament hanggang bukas.

Kinakailangang magpabilib ng mga aplikante dahil ito ang magiging basehan kung makasasabit sila sa pinal na listahang ilalabas ng PBA sa 16 Disyembre.

Pagkakataon din ito upang makuha nila ang atensiyon ng PBA scouts at head coaches na inaasahang pupunta sa Combine upang mag-asinta ng kanilang posibleng prospects.

Inaasahang mangunguna sa mga naturang athletic tests ang projected top three picks na sina CJ Perez, Rayray Parks at Robert Bolick gayondin ang iba pang matunog na first round prospects na sina Abu Tratter, Paul Desiderio, Bong Quinto, Javee Mocon, Michael Calisaan, Trevis Jackson, JP Calvo, Vince Tolentino at Matt Salem. (JOHN BRYAN ULANDAY)

About John Bryan Ulanday

Check Also

Henry Roger Lopez Chess

Panabo Knights Chess Club nanguna sa ACAPI chess winners

MANILA — Inihayag ni ACAPI (Association of Chess Amateurs in the Philippines, Incorporated) President Arena …

Lala Sotto MTRCB

PVL ipinatawag ng MTRCB, code of ethics babalangkasin

SUPORTADO ng Movie Television Review and Classification Board (MTRCB) ang hakbang ng Premier Volleyball League (PVL) na bumalangkas ng …

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Leave a Reply

Your email address will not be published. Required fields are marked *