Tuesday , June 25 2024
PANGIL ni Tracy Cabrera

Diwa ng Tunay na Manggagawa

Hospitality is present when something happens for you. It is absent when something happens to you. Those two simple prepositions — for and to — express it all.

— Danny Meyer

 

PASAKALYE:

IPINAG-UTOS ni Pangulong Rodrigo Duterte ang agarang paglilinis ng pinakasikat na tourist hotspot ng ating bansa — ang Boracay — sa pagbabansag bilang isang ‘sewer pool’ o pozo negro, na hindi siya mag-aatubiling ipasara kung kinakailangan.

Inatasan ng punong ehekutibo si environment secretary Roy Cimatu para linisin ang isla ng Boracay sa loob ng anim na buwan, na ayon sa dating alkalde ng lungsod ng Davao ay ‘overdeveloped’ at ngayo’y isa nang ‘disaster.’

Mahigit dalawang milyong lokal at dayuhang turista ang dumadalaw sa Boracay taon-taon dahil sa maputing buhangin at magagandang tanawin dito, bukod sa maraming water sports activity.

Hinihirang ng mga travel magazine bilang isa sa top tourist destination para sa relaxation, nakapagbibigay ang Boracay ng revenue mula sa mga five-star resort at beachside restaurant at nananatili itong pangunahing pang-akit sa mga turista mula sa South Korea, China, Estados Unidos at Australia.

Ngunit nagbabala ang Pangulo na maaaring mapatigil ang ganitong kalagayan dahil na rin sa basura at pagsasalaula sa kalikasan na kamakailan ay sadyang natambakan ang karagatan ng tone-toneladang dumi.

Pahayag ng punong ehekutibo: “You created a disaster there.”

Sinabi rin ni Duterte na mananagot ang pa­mahalaang lokal at mga residente ng Boracay sa pagkasira ng kalikasan sa kanilang lugar.

Galit na sinabi ni Duterte: “I will charge you for serious neglect of duty making Boracay a fishpond or a sewer pool. There will be a time that no more foreigners will go there.”

 

REAKSIYON:

Hindi lamang basura ang aktuwal na problema sa ating mga tourist spot… maging ang mga tu­ristang dayuhan na dumadalaw sa ating bansa ay mayroong din ‘basura’ na maituturing dahil sa pagtrato nila sa ating kababaihan.

***

NAITALAGA bilang director ng Bases Conversion and Development Administration (BCDA) ang ating kaibigang si Ginoong Dave Diwa.

Panibagong tungkulin na naman ang naiatang sa balikat ng ating kaibigan, kilala nating isang tunay na lider ng mga manggagawa at lumalaban sa karapatan ng bawat Filipino para sa maayos at matiwasay na pamumuhay.

Kudos sa iyo, Ka DAVE!

***

PARA sa inyong komento o suhestiyon, reklamo o kahilingan, magpadala ng mensahe o impormasyon sa email na [email protected] o dili kaya’y i-text sa cellphone numbers 09054292382 para sa Globe at 09391252568 para sa Smart. Salamat po!

About Tracy Cabrera

Check Also

Sipat Mat Vicencio

Dapat bang suportahan ni Digong si Imee sa halalan 2025?

SIPATni Mat Vicencio SILIP NA SILIP ang diskarte ni Senator Imee Marcos at halatang ginagamit …

FIRING LINE ni Robert B. Roque, Jr.

Ang ‘mischievous’ na misis ng Pangulo

FIRING LINEni Robert B. Roque, Jr. BAGO mag-weekend, isang pahayag kontra kontrobersiya ang umalingawngaw mula …

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

Leave a Reply

Your email address will not be published. Required fields are marked *