Thursday , July 10 2025
sexual harrassment hipo

CEO ng Malaysian firm inireklamo ng rape, sexual harassment (Sex over promotion nabigo)

KASONG rape at sexual harassment ang isinampa laban sa chief executive officer (CEO) ng kompanyang Edmark ng mga empleyado nito matapos dumanas ng hindi malilimutang karanasan sa akusado.

Bukod sa rape at sexual harassment, inasunto rin ang nasabing official ng illegal dismissal at unfair labor practices (ULP) ng apat nilang empleyado.

Dumulog sa tanggapan ng batikang human rights advocate na si Atty. Rogelio ‘Waray’ Evasco sina Erica Patricia Chua, 27, ng Sangandaan, Caloocan City; Jillian Jan Villadarez, 29, at Mariza Soni, 27, parehong taga-Cubao , Quezon City; at Angelica Fajardo, 26, ng San Rafael, Bulacan para ireklamo ang CEO ng Edmark na si Roesholm ‘Ric’ Camaligan ng kasong kriminal at sibil ang naturang opisyal.

Isinama rin sa kanilang reklamo sa National Labor Relations Commission (NLRC) ang chairman at may-ari ng Edmark na si Sam Low, isang Malaysian; ang presidente na si Joey Urquia at human resources manager na si Careen San Juan.

Batay sa sinumpaang salaysay ni Chua, tatlong beses siyang ginahasa ni Camaligan sa magkakaibang okasyon habang sinabi nina Villadarez, Soni at Fajardo na nakatikim sila ng iba’t ibang uri ng sexual harassment mula sa nasabing opisyal.

Sinabi ni Chua na kahit bawal ang ginagawa ni Camaligan, ito umano’y hinahayaan at kinokonsinti ni San Juan at kung minsa’y kasama rin sa pananakot laban sa kanila sa pamamagitan ng pagbabantang tatanggalin sila kapag ibinulgar ang ginagawang pang-aabuso ng CEO.

Ipinaliwanag ni Chua na kaya siya hindi nagreklamo noong unang pagkakataon ng pag-abuso sa kanya ay dahil nangako si Camaligan na itataas siya ng posisyon sa kompanya at bibigyan ng mas mataas na suweldo.

Pero king tatanggi siya sa nais ng CEO ay agad siyang tatanggalin sa trabaho.

Sa sinumpaang salaysay nina Villadarez, Soni at Fajardo, sinabi ng tatlo na makailang ulit silang pinaparinggan ni Camaligan ng kung ano-anong kabastusan habang nasa trabaho.

Sa panig ng Edmark, nilinaw ng kompanya na dahil sa natuklasang ‘tila’ sabwatan nina Camaligan at San Juan ay tinanggal na sila sa kompanya.

Sinabi rin ng kompanya na haharapin nila ang kasong isinampa ng mga empleyado sa NLRC.

Anila, ano man ang ginawang pang-aabuso nina Camaligan at San Juan gamit ang kanilang posisyon ay tinutuldukan na ng kompanya.

Haharap din umano sa media ang mga opisyal ng kompanya pagdating nila sa bansa.

(TRACY CABRERA)

Krystall Herbal Products and FGO Branches

About Tracy Cabrera

Check Also

PAGCOR Online Betting Gaming Gambling

Panawagan ng online gaming operators
MAS MATALINONG REGULASYON SA LEGAL KAYSA IBULID SA BLACK MARKET

NANAWAGAN ang 14 lisensiyadong online gaming operators sa Filipinas na maglatag o bumuo nang mas …

Makati City

P8.96-B babayaran ng Makati
Mayor Nancy nais ibasura ‘Settlement agreement’ sa naudlot na subway project Imbestigasyon ikakasa

NAKATAKDANG maghain ng mosyon sa pag-atras at pagtutol sa Singapore International Arbitration Center (SIAC) ang …

Blind Item, man woman silhouette

Showbiz couple magkahiwalay ng kwarto 

I-FLEXni Jun Nardo HIWALAY na raw ang isang kilalang showbiz couple na may anak. Magkaiba sila ng …

Online Betting Gaming Gambling

Babala ng mga eksperto:
Pagbabawal ng online gaming kaduda-duda, black market lalakas pa

NAGBABALA ang isang kilalang ekspertong legal na maaaring lalong lumala ang epekto ng iresponsableng pagsusugal …

Senate Senado

SP Chiz may 16 pirma — JV

TIYAK na tiyak nang muling mauupo si Senate President Francis “Chiz” Escudero bilang pinuno ng …

Leave a Reply

Your email address will not be published. Required fields are marked *