HATAW! D'yaryo ng Bayan hatawtabloid.com
BUTUAN CITY – Patay ang tatlong high school student makaraan salpukin ang sinasakyan nilang motorsiklo ng isang mini dump truck sa Sitio Bioborjan, Brgy. Rizal kamakalawa.
Agad binawian ng buhay ang estudyanteng lalaking driver ng motorsiklo na si Lito Estrada Makapinig, 15, residente ng Brgy. Lipata, habang dinala sa Caraga Regional Hospital ang tatlong mga kasamahan ngunit namatay rin ang dalawa sa kanila.
Kinilala ang dalawa pang namatay na sina Alounalyn Beltran Aboy, 15, at Joan Galagar Maique, 15-anyos. Habang patuloy na ginagamot si Krisia Camille kinse, Estrada, 14-anyos.
Napag-alaman, mula sa Lipata National High School sa Surigao City ang mga biktima at patungo sa Brgy. Rizal ngunit pagsapit sa Sitio Bioborjan, Brgy. Rizal, ay bumangga sila sa isang mini dump truck.
