TATLONG estudyante ang malubha ang kalagayan nang masagasaan ng isang delivery truck sa P. Casal St. kanto ng Concepcion St., San Miguel, Maynila nitong Biyernes ng umaga.
Kinilala ang mga biktimang sina Clarence Ray Ocampo, ng Technological Institute of the Philippines (TIP), Nika Francisco at Dafnie Lorenzo, kapwa ng National Teachers College (NTC), may gulang na 14 hanggang 16-anyos, pawang isinugod sa Mary Chiles Hospital.
Ayon sa impormasyon, nakatayo lang sa kanto ang tatlong estudyante nang bigla silang sagasaan ng isang delivery truck na may kargang hollow blocks at buhangin.
Galing sa Recto Avenue ang truck nang bigla itong nawalan ng kontrol patungo sa tatlong estudyante.
Agad tumakas ang driver ng truck makaraan ang insidente.
( LEONARD BASILIO )
