Tuesday , February 7 2023

Transport Sector: Si Chiz ang VP namin (ACTO, NACTODAP kasadong magbibigay ng 2.4-M boto)

IBINIGAY ng dalawang malalaking transport groups ang kanilang suporta at ipinangako ang boto ng kanilang 2.4 milyong miyembro sa kandidatura ni Sen. Chiz Escudero, na tumatakbong independent vice presidential candidate sa darating na halalan sa Mayo 9.

Parehong inendoso ng Alliance of Concerned Transport Operators (ACTO) at ng National Confederation of Tricycle Operators and Drivers Association of the Philippines (NACTODAP) ang kandidatura ni Escudero, na kamakailan lang ay sinuportahan at inendoso din ng kapwa Bicolanong si Albay Gov. Joey Salceda bilang manok sa pagka-pangalawang pangulo.

“Idinedeklara ko sa hanay ng transportasyon, na bumubuo sa ACTO, na ibibigay natin ang ating boto sa magiging bise-presidente sa darating na Mayo 9: walang iba kundi si Chiz Escudero,” sabi ni Efren de Luna, National President ng ACTO, isa sa pinakamalaking transport group sa bansa na may 400,000 miyembro. 

Kasapi sa ACTO ang mga driver at operator ng jeepney, tricycle, taxi, school bus at mga UV Express van. 

Binubuo ang NACTODAP ng lahat ng TODA sa bansa, kabilang ang Kasampadyak, kalipunan ng pedicab drivers and operators. Tinatayang nasa higit 2 milyon ang miyembro sa buong Filipinas. 

Pinasalamatan ni Escudero ang dalawang grupo at nangakong taimtin na magtatrabaho para maitatag ang gobyernong hindi mang-iiwan sa kahit ano mang sektor.

“Titiyakin natin na walang maiiwan sa pag-unlad at pag-asenso ng ating bansa,” ani Escudero, na idinagdag pang malapitan siyang makikipag-ugnayan sa sektor ng mga driver at operator para ipaglaban ang kanilang karapatan at ilayo sa pang-aabuso.

About Hataw News Team

Check Also

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …

Bulacan Blas Ople Daniel Fernando Alexis Castro Toots Ople

Sa kanyang ika-96 kaarawan
GAT BLAS F. OPLE MULING GINUNITA SA MGA MENSAHENG TAGOS MULA SA PUSO

“HUWAG mahalin ang posisyon kundi ang tao, at laging mahalin ang bansa bago ang sarili.” …

Bulacan Blas Ople Job

Alay sa mga Bulakenyo
JOB FAIR, MEDICAL MISSION IDINAOS BILANG PARANGAL SA ARAW NI GAT BLAS OPLE

BILANG bahagi ng pagpupugay sa ika-96 anibersaryo ng kapanganakan ni Gat Blas F. Ople, nagsagawa …

Arrest Posas Handcuff

Rank 8 most wanted person ng Nueva Ecija, huli sa Vale

NAGWAKAS ang pagtatago sa batas ng isang lalakingnakalistang rank no. 8 most wanted person (MWP) …

Leave a Reply