HATAW! D'yaryo ng Bayan hatawtabloid.com
CAMP OLIVAS, Pampanga – Kritikal ang kalagayan sa pagamutan ng isang ginang makaraan tatlong beses na hatawin ng martilyo sa ulo ng kanyang selosong mister na malubha rin ang kalagayan nang mabundol ng sasakyan habang papatakas sa Brgy. Sta. Cruz, sa bayan ng San Simon kamakalawa ng umaga.
Base sa ulat ni Chief Inspector Jose Charlmar Gundaya, hepe ng San Simon Police, sa tanggapan ni Chief Supt. Rudy Lacadin, Police Regional Office-3 director, kapwa isinugod sa Jose B. Lingad Regional Memorial Hospital ang mag-asawang sina Virginia Ponio, 46, at Michael Ponio, nasa hustong gulang.
Ayon kay Chief Inspector Gundaya, galit na galit na tinawag ng mister ang kanyang misis na nasa ikalawang palapag ng kanilang bahay.
Nang makababa ang ginang ay tatlong beses siyang hinataw ng martilyo sa ulo ng kanyang asawa.
Tumigil lamang ang suspek sa pananakit sa asawa nang awatin siya ng kapatid na babae na si Abel.
Nang dumating ang nagrespondeng mga pulis ay mabilis na tumakbo ang suspek ngunit minalas na nahagip siya nang humahagibis na sasakyan.
Leony Arevalo
