This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang 5-anyos batang lalaki makaraan mabagsakan ng scaffolding habang naglalaro kasama ng kanyang mga kaibigan sa Sta. Cruz, Maynila kamakalawa.
Nagawa pang itakbo sa Jose Reyes Memorial Medical Center ang biktimang si Amir Butuan ng 307 Rizal Avenue Ext., Sta. Cruz, Maynila ngunit binawian ng buhay bunsod nang pagkabasag ng bungo.
Habang inaresto ng mga pulis ang itinurong responsable sa insidente na si Alberto Hayag, 64, biyudo, ng 437 P. Gomez St., Sta. Cruz, Maynila, nakatakdang sampahan ng kasong reckless imprudence resulting in homicide.
Ayon sa imbestigasyon ni PO3 Alonzo Layugan ng Manila Police District Homicide Section, dakong 6:45 p.m. nang maganap ang insidente sa Ronquillo Street., Sta. Cruz, Maynila
Habang naglalaro ang biktima kasama ng kanyang mga kapwa bata nang pumanik siya sa pinakamataas bahagi ng scaffolding na umuuga.
Bunsod nito, bumagsak ang scaffoling, nahulog ang biktima at nabagsakan nito.
Nabatid sa ulat, matagal nang hindi nakalagay ang scaffolding sa nasabing lugar ngunit inilipat doon ni Hayag kaya pinaglaruan ng mga bata.
