This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang ginang at tatlo niyang mga anak habang isa pa ang sugatan nang sumiklab ang sunog sa kanilang bahay sa itaas ng isang palengke sa Tondo, Maynila kamakalawa.
Kinilala ang mga biktimamg si Evelyn Verzosa, nasa hustong gulang, at kanyang mga anak na sina Marky, 4; Micaela, 6, at Edison, 7, pawang mga residente sa Carmen Planas St., sa Tondo.
Sugatan ang isang Raffy Fernandez, nasa tamang edad, at residente rin sa naturang lugar.
Napag-alaman, nagsimula ang sunog dakong 11 p.m. sa New Oriental Market, sinasabing pagmamay-ari ng isang Ciara Tan, malapit sa Tondo Church.
Ayon kay Manila Fire Department chief, Jaime Ramirez, umabot ang sunog sa Task Force Alpha at idineklarang fire out dakong 1 a.m. nitong Lunes.
Sa imbestigasyon ng mga awtoridad, posibleng ang pagsiklab ng linya ng koryente sa gusali ang sanhi ng sunog.
Tinatayang aabot sa P5 milyon ang halaga ng mga ari-ariang napinsala dahil sa sunog at 50 pamilya ang naprehuwisyo nito.
