Sino sina alias Jude at Joel PCCI na salot sa BOC?

GRABE na ang pinaggagawa ng isang alias JUDE na nagpapanggap na bata raw ni BoC Depcomm. Uvero dahil tuloy-tuloy pa rin ang pag-hingi ng tara sa mga broker at importer.

Ang lakas tumara nitong alias Jude na per container van daw siya at may weekly payola pa raw.

Kawawa naman si Depcom Agaton Uvero na alam natin na napakabait at walang kaalam-alam sa pinaggagagawa ni alias Jude.

Depcomm. Uvero, ipahuli mo ang taong ‘yan na sumisira sa pangalan mo!

***

Ito naman isang alias Joel PCCI, sobra rin ang pagkatarantado at garapal.

Laging tanghali kung dumating para mag-release ng clearance. Ang laki pa ng tara sa mga broker.

Grabe ang ginagawa nila sa mga negosyante na parang sila na lang ang nabubuhay sa mundong ito.

Ikaw Joel clearance ng PCCI, magbago ka na at baka pulutin ka sa kangkungan!

***

Happy wedding pala sa pamangkin ko na guwapo na si Reynante Salgado na photojournalist sa BoC. Sana’y dumami ang taon ng pagmamahalan ninyo ni Sheila.

Magmahalan kayo nang tapat at laging magdasal and make Jesus the center of your life.

Mabuhay ang bagong kasal!

Binabati rin kayo ni Mariel Domagas na sana’y maging maligaya kayo lagi at hindi nag-aaway.

All the best sa inyo!