HATAW! D'yaryo ng Bayan hatawtabloid.com
Humahataw sa kanilang daily high ratings, ang AlDub KalyeSerye nina Alden Richards at Maine Mendoza a.k.a Yaya Dub sa Eat Bulaga at iba’t ibang klaseng awards na ang tinanggap ng ALDUB loveteam kasama na ang kaliwa’t kanang mga product endorsement ng Pambansang Bae at ni Yaya Dub.
Sa pagdiriwang ng anibersaryo ng Walk of Fame Philippines na itinayo ni Master Showman German
Moreno ay mamarkahan na rin sa susunod na buwan ang casts ng nasabing serye na kina-bibilangan rin ng JOWAPAO na sina Wally Bayola bilang Lola Nidora na globally famous na, ganoon na rin ang mga gumaganap na kapatid ni Nidora na sina Tidora (Paolo Ballesteros) at Jose Manalo sa character na Lola Tinidora.
Siyempre parte rin ng malaking kalyeserye ang mga bodyguards ng tatlong magkakapatid na sina
Rogelio Rogelio Rogelio, Bernardo Bernardo Bernardo at Quando Quando Quando na mga popular na rin sa ating mga kababayan.
At hindi pwedeng taasan ng kilay ang paglalagay kina Alden at Yaya Dub dahil in span of a short time ay naging “phenomenon” agad ang kanilang pangtanghaling teleserye na dinadagsa ng mga advertiser.
Kaya pwede na talagang i-level, ang AlDub loveteam sa mga sikat na celebrity na nailagay na ang pangalan sa Walk of Fame Philippines.
Oo naman they both deserve this gyud!
VONGGANG CHIKA! – Peter Ledesma
