BI nagbabala raw vs pekeng pinoys

SA pamamagitan ng kanilang Facebook account, mahigpit daw na nagbabala ang Bureau of Immigration (BI) laban sa mga pekeng Pinoy.

Ibig bang sabihin nito ‘e sandamakmak ang mga pekeng Pinoy sa Philippines my Philippines ngayon?!

Sabi ng isang kahuntahan natin, ‘wag na raw tayong magtaka.

Mayroon nga raw tumatakbong presidente na kinukuwestiyon ang pagkamamamayan ‘di ba?!

At mismong ang hepe ng Bureau of Immigration (BI) ay may tsismis na ‘greencard’ holder.

Pero nang tanungin sa isang radio program ‘e tumirada ng: “I’m not in liberty to divulge.”

What the fact!?

May record naman daw ang BI at ang US Citizenship and Immigration Services (USCIS) na makapagsasabi kung US ‘greencard’ holder ang isang tao.

Inuulit lang po natin, batay sa itinatadhana ng Section 18, Article XI, 1987 Philippine Constitution, ang sino mang opisyal at kawani ng pamahalaan ay dapat parusahan kapag nagpalit ng citizenship o nakakuha ng immigrant status sa ibang bansa.

“Public officers and employees owe the State and this Constitution allegiance at all times, and any public officer or employee who seeks to change his citizenship or acquire the status of an immigrant of another country during his tenure shall be dealt with by law.”

Kung genuine ‘yang pagbibigay ninyo ng ‘BABALA’ aba unahin ninyong uriratin ang citizenship ng bossing ninyo.

Hindi ‘yung kung sino-sino pa ang itinuturo, pero tatlong daliri pala ang nakaturo sa kanila.

O sige na, ILARGA na ninyo ‘yang kampanya ninyo laban sa mga pekeng Pinoy — umpisahan NINYO sa Office of the Commissioner!

Pwede ba!?

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com