This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAHULIHAN ng pulisya ng hinihinalang shabu ang isang 63-anyos lola nang dumalaw sa kulungan kahapon sa Camp Bagong Diwa, Taguig City.
Si Floridad Patricio, ng Sitio Pag-Asa, Brgy. San Martin de Porres, Parañaque City ay kasalukuyang nakapiit sa detention cell ng Taguig Police.
Ayon sa natanggap na ulat ni Taguig City Police chief, Sr. Supt. Arthur Felix Asis, dakong 10:45 a.m. nang mabuko ang suspek na may itinatagong shabu sa Taguig Visitors Gate Searching Area ng BJMP, Camp Bagong Diwa ng naturang lungsod.
Dadalawin sana ni Patricio ang isang bilanggo na hindi pinabanggit ang pangalan, ngunit nang kapkapan ni JO1 Frizan Samonte ng BJMP ay nakuha sa kanya ang isang plastic sachet na naglalaman ng hinihinalang shabu.
Samantala, arestado kamakalawa dakong 3 p.m. sa isang anti-drug operation ng mga awtoridad sina Emmanuel Taipe, 20, ng 211 Paso St., Gutierrez Compound, Brgy. Bagumbayan, Taguig City, at Reymon Solis, 20, helper, ng 1st Avenue Laura Drive, ng nabanggit na barangay.
