This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
INAALAM pa ng Taguig City Police kung may kinalaman sa frat war ang nangyaring pagbaril sa tatlong high school student ng tatlong binatilyo kahapon sa nasabing siyudad.
Nilalapatan ng lunas sa Taguig-Pateros District Hospital ang tatlong biktimang may gulang na 14 hanggang 16-anyos, pawang ng nabanggit na lungsod.
Habang nagsasagawa ng follow-up operation ang mga awtoridad laban sa mga suspek na sina alyas Dennis, Bang at Dudoy, 15 hanggang 17-anyos, ng nabanggit ding lungsod.
Base sa ulat na nakarating kay Taguig City Police chief, Sr. Supt. Arthur Felix Asis, dakong 3 a.m. nang mangyari ang pamamaril sa A. Reyes Extension, Purok 3, Brgy. New Lower Bicutan, harap ng Taguig National High School ng naturang siyudad.
Sa pagsisiyasat ni SPO2 Glenda Aquino ng Women and Children’s Concerned Desk ng Taguig Police, nagpapahinga ang biktima sa harapan ng naturang eskwelahan nang sumulpot ang mga suspek na armado ng sumpak at pinaputukan ang tatlo sa hindi pa batid na dahilan.
