Pinag-uusapan na: Bongbong Marcos for president!

Habang hindi mapakali sa pagkuha ng kanilang bise presidente sina Secretary Mar Roxas at VP Jejomar Binay, malakas naman ang bulong-bulungan sa mga coffee shop na hindi matatapos ang Setyembre ay magdedeklara ng kanyang kandidatura si Senador Bongbong Marcos — kandidatura bilang presidente.

Kaya nagkakagulo rin ang ‘usual donors’ na nakapag-commit sa mga naunang nagdeklara.

Alam kasi nilang hindi puwedeng balewalain, kapag nagdeklara ng kanyang kandidatura si Bongbong sa darating na Setyembre.

Bukod sa solidong Marcos loyalist, nariyan pa ang Solid North at ang Waray Country.

Paano kaya kung ang maging vice president ni BBM ay manggaling sa Mindanao?!

Matunog kasi na mukhang si Digong Duterte ang kanyang magiging bise-Presidente.

Luzon na lang ang paghahatian ng kanyang makakalaban?!

‘Yan na nga ba ang sinasabi natin. Hindi na magiging disadbantaha kay BBM ang kasaysayan ng pamumuno ng kanyang tatay at nanay.

Kahit paulit-ulit na pag-usapan ang bangungot ng Martial Law, hindi maikakailang kasabay nitong maaalala ng publiko ang hindi malilimutang pag-unlad at landmark ng Republic of the Philippines sa Asya at sa buong mundo.

Abangan natin ang labanan ng mga anak at apo ng mga dating presidente.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap