Wednesday , July 24 2024

Kumusta Ka Ligaya (Ika-7 labas)

NAGKITA SILA NI LIGAYA … KUNG SIYA’Y NANANATILI SA KALYE … NAKIKITA NIYANG NAG-IIBA ANG BUHAY NG DALAGA

 

Pinaniwala niya ang dalaga sa isang kasinungalingan.

“Nag-construction boy ako… Kaya lang, sa Batangas ako nadestino, e,” ang gawa-gawa niyang kwento…

“’Pag me cellphone ka na, mag-text ka agad para mai-phonebook ko…”

Tinanguan lang niya ang dalaga na pinakaiibig niya nang lihim.

Bumili si Dondon ng isang mumura-hing cellphone. Ang natirang pera mula sa pabaon ng kanyang mga kakosa ay tiyani-tiyani niyang dinudukot sa bulsa. Hirap si-yang maghanap ng mapapasukang trabaho dahil kapos sa pinag-aralan. At para makatawid sa araw-araw ay kinailangan pa niyang gumamit ng tatag ng dibdib at kapal ng mukha. Nangolekta siya ng pa-piso-piso sa mga pampasaherong dyip kung saan mabigat lagi ang trapiko.

“Malaking lalaki at malakas ang pangangatawan, e, ayaw magbanat ng buto,” ang talikurang panlulura sa kanya ng mga jeepney driver na hindi magawang pumalag nang harapan.

Sa pamamahinga ni Dondon isang gabi ay nag-text siya kay Ligaya. “Dondon 2… musta n?” Ang reply sa kanya ng dalaga ay “’La na q sa dti trabaho…” Sa palitan nila ng mensahe ay napag-alaman niyang dispatsadora na ito sa isang mall sa Divisoria. Day-off umano nito tuwing Linggo at stay-in sa tirahan ng among Tsino. Pati kompletong address niyon ay nai-text din sa kanya.

Linggo ng umaga noong makipagkita kay Dondon si Ligaya sa isang fastfood sa bisinidad ng Divisoria. Siya ang taya sa tig-dalawang order ng spaghetti at softdrinks. Kinakitaan naman niya ng sigla ang dalaga sa pakikipag-kwentohan sa kanya. Pero may malalaking pagbabago na sa katauhan nito: lalong pumuti at kuminis ang kutis, humahalimuyak ang pabango sa katawan, puro bago ang mga kasuotan at maayos na maayos kung manamit.

“Wala sa minimum ang sweldo ko pero okey na rin dahil libre ang pagkain at tirahan,” nasabi ni Ligaya kay Dondon.

Ramdam pa rin ng binata ang pagiging malapit sa kanya ng dalaga. Kita niya sa mga kilos at pananalita nito ang ‘di-maikukubling saya sa kanilang pagkikita. Ito pa rin ang dating Ligaya na nakasama niya sa buhay-kalye sa mahaba-habang panahon. Pero ewan kung bakit nakikini-kinita niyang tila may pader na unti-un-ting nabubuo sa kanilang pagitan. Marahil, iyon ay dahil sa miserableng pamumuhay na kanyang nararanasan sa araw-araw.

(Itutuloy)

ni Rey Atalia

About hataw tabloid

Check Also

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Jennlyn Mercado Beautederm Rhea Tan 2

Jennylyn sobrang nagpapasalamat  maging parte ng Beautederm family

MATABILni John Fontanilla SA wakas ay nagsalita na si Jennylyn Mercado kaugnay sa bali-balitang lilipat ito sa ABS …

Jennlyn Mercado Beautederm Rhea Tan

Jennylyn nawindang sa diamond bracelet at Hermes bag na regalo ni Ms Rhea Tan

MA at PAni Rommel Placente NOONG nakaraang Huwebes, opisyal na inilunsad si Jennylyn Mercado bilang endorser ng …

Krystall Herbal, Rider

Krystall Herbal Oil proteksiyon ng rider laban sa pawis habang umuulan

Back to BasicNATURE’S HEALINGni Fely Guy Ong Dear Sis Fely Guy Ong, Ako po si …

Jennlyn Mercado Beautederm Rhea Tan

Jennylyn freelancer, walang offer sa ABS-CBN; Pinabilib si Rhea Tan sa pagiging simple

SHOWBIZ KONEKni Maricris Valdez Nicasio INAMIN ni Jennlyn Mercado na freelancer siya sa kasalukuyan at iginiit na …

Leave a Reply

Your email address will not be published. Required fields are marked *