HATAW! D'yaryo ng Bayan hatawtabloid.com
KIDAPAWAN CITY – Agad binawian ng buhay ang dalawa katao habang 17 pa ang sugatan nang banggain ng jeepney ang dump truck sa national highway ng Matalam at M’lang North Cotabato dakong 9:30 a.m. kahapon.
Ayon sa ulat ng pulisya, lulan ang mga biktima ng Lawin jeep papunta sa bayan ng Midsayap para dumalo sa kasal ng kanilang kamag-anak ngunit pagsapit sa hangganan ng Matalam at M’lang, North Cotabato ay bumangga ito sa kasalubong na dumptruck.
Dahil sa tindi ng banggaan, dalawa agad ang binawian ng buhay.
Samantala, ang mga sugatan ay mabilis na isinugod sa iba’t ibang pagamutan sa North Cotabato at Kidapawan City. (BETH JULIAN)
