HATAW! D'yaryo ng Bayan hatawtabloid.com
FRESH from Saudi Arabia, sasabak na agad si Lara Lisondra bilang guest sa show na Voices & Strings na gaganapin sa Music Box sa April 19, 8 pm.. Tinatampukan ito nina LA Santos, Tori Garcia, at Mavi Lozano.
Bukod kay Lara, guest din dito ang mga talented na kabataang sina Erika Mae Salas at Josh Yape. Special guest naman dito si Martin Escudero. Ito ay mula sa direksiyon ni katotong Throy Catan.
Nakagawa na ng album si Lara sa Saudi Arabia na pinamagatang Simply Lara. Ito ang rason kaya siya binansagang Riyadh Teenstar. Ang album ay may limang cuts. Ang carrier single na Di Na Kakayanin Pa, Kung Di Ako Mahal at Suklamahal na pawang original composition ng manager niyang si Gene T. Juanich. Dalawa naman ang covers dito, ang Dance with My Father at The Best Day.
Anong inaasahan mo sa pagpunta sa Pilipinas?
“Sa career ko po, sana mas marami pong opportunities na dumating, especially po sa singing,” nakangiting saad ni Lara na nakatakdang sumabak sa acting workshop kay Ogie Diaz ngayong buwan ng April.
Kaya mo bang pagsabayin ang singing at ang iyong pag-aaral?
“Kakayanin po, kasi hilig ko po talaga ang singing.”
Sinong idol mong singer and why?
Sagot ng dalagita, “Sina Sarah Geronimo po at Yeng Constantino.Kasi po parang noong bata pa lang po, ako super idol ko na po talaga si Sarah. Si Yeng naman po, kasi po iyong mga kanta niya ay magaganda po at pareho silang magagaling.”
Si Lara ay pangatlo sa apat na magkakapatid sa mga magulang na sina Wilfredo at Melva Lisondra. Si Lara ay16 years old pa lamang at katatapos lang ng Grade 10 sa Al Danah International School, Riyadh, Saudi Arabia kung saan siya ipinanganak. Grade 11 na siya sa pasukan at balak niyang sa UST mag-aral.
ALAM MO NA! – Nonie V. Nicasio
