Boobsie Wonderland, ‘di pa rin makapaniwalang magso-show sa Big Dome

HANGGANG nagyon daw ay hindi pa rin makapaniwala ang fast rising comedienne na si Boobsie Wonderland na sa February 13 ay isa siya sa tampok sa gaganaping concert sa Araneta Coliseum na pinamagatang Panahon Ng May Tama: ComiKilig .

Bukod kay Boobsie, kasama rito sa concert na produce ng CCA Entertainment Productions Corporation sina Gladys ‘Chuchay’ Guevarra, Ate Gay, at Papa Jack. Ito ay mula sa panulat at direksiyon ni Andrew de Real.

“Opo as in grabe rin ang pagkamangha ko. Minsan najo-joke ko lang na balang araw magso-show din o mapapasama rin ako diyan na mag-concert sa Araneta Coliseum. Kasi, magaling akong performer at pang masa,” nakatawang saad sa amin ni Boobsie.

“Ito na nga siya. Kaya very thankful po talaga ako kay Mr. P (tawag niya kay Joed Serrano as in Mr. Producer) at nakita niya ang talento ko.Yahoooooo! Thank you po Lord!” dagdag pa niya.

Paano mo ide-describe itong concert ninyo sa Araneta nina Ate Gay, Papa Jack at Gladys?

“Total package po ito, total performer as in po. ‘Ika nga, siksik liglig at umaapaw sa saya ang mapapanood nila sa Araneta.”

Nilinaw naman ni Boobsie na walang patalbugang magaganap sa kanilang apat sa kanilang concert.

“Naku wala pong patalbugan… ang goal po kasi namin ay mapasaya at super mag-enjoy po talaga ang mga manonood,” wika pa ni Boobsie.

ALAM MO NA! – Nonie V. Nicasio