Bistek, never nang-iwan

NAGPAALAM naman ng maayos si Mayor Herbert Bautista sa producer ng pelikulang si Kris Aquino ang leading lady. Hindi totoo na basta iniwan or hindi siya sumipot sa final decision niya. May dahilan  si Mayor Herbert, hindi pa niya alam kung ano ang tatakbuhin niya sa national election sa 2016.

“Hindi ho ako nang-iwan or nang-iiwan ng trabaho. Worried lang ako dahil baka nga maging cause of delay ako, sayang naman, at magagalit sila sa akin,” ani Bistek.

Pero swak na swak ang tambalan nila ni Diamond Star Maricel Soriano sa pelikulang Lumayo Ka Nga Sa Akin ng Viva Films at Heaven’s BestEntertainment, isang epic movie. At take note, isa sa mga ikagugulat ng moviegoers ay parang hawig sa pelikulang  markado na sa kanilang isipan. Eh, title pa lang, alam mo na, ito ay Shake, Shaker, Shakest.

Sa totoo lang spoof ng nasabing horror movie ang ilang bahagi ng movie nina Herbert at Maricel. Isinulat ito ni Bob Ong at idinirehe ni Andoy Ranay. Once an actor, forever na artista ka lalo’t magaling kang umarte. Eh, knows mo naman sina Herbert at Maria, super galing na artista. Kaya wala silang kupas, pagharap nila sa kamera trabaho agad.

Between the two, mas nerbiyoso si Herbert, maingat magbitaw ng dialogue. Kasi, kahit kilala na nila ang isa’t isa ang tawag ni Herbert sa Diamond Star ay Ate Cel, malaki ang takot at respeto ni Mayor kay Maricel.

NO PROBLEM DAW – Letty Celi