HATAW! D'yaryo ng Bayan hatawtabloid.com
HATAWAN – Ed de Leon. /
ANG tsismis, sisibakin na raw ng Channel 7 iyong kanilang Sunday musical variety show. Hindi ba matagal na namang dapat? Inalis na nga nila iyan sa noontime at inilagay na sa hapon eh, katunayan, hindi na nila kaya ang kompetisyon sa noon time slot. Ngayon iyong noon time slot, napasukan pa ng isang bagong show, iyong Happy Truck ng Bayan, na sa totoo lang pinanonood namin kasi masaya.
Actually wala nang tumagal diyan sa noon time slot ng Channel 7 simula pa noong itigil nila at palitan ang GMA Supershow ni Kuya Germs. Iyon lang naman ang nag-rate sa kanila ng Sunday noontime at tumalo sa mga kasabayan nilang shows, kabilang na iyong naging top rater din noon na Spin-a-Win.
Simula noon nakailang palit at reformat na ba sa kanilang Sunday noon time show iyang Channel 7, hanggang sa umurong na nga sila sa afternoon slot, wala pa rin. Ano pa nga ba ang dapat gawin diyan?
