HATAW! D'yaryo ng Bayan hatawtabloid.com
HINILING kahapon ng isang abogado sa Bids and Awards Commitee ng (BAC) ng Commission on Elections (Comelec) na irekonsidera ang kanilang desisyon sa paglahok ng Smartmatic TIM sa two-stage bidding para sa supply ng karagdagang counting machines para sa 2016 elections.
Idineklara ng BAC na kapwa kwalipikado ang Indra at Smartmatic na ipagpatuloy ang bidding matapos makapasa ang dalawa sa minimum technical requirements.
Sa eligibility requirements, nakakuha ang Indra ng unanimous vote mula sa 14-man Technical Working Group (TWG). Gayon man, hati ang desisyon ng TWG sa pagpasa ng Smartmatic para sa eligibility.
Inihain ngayong araw ni Atty. Archibald Demata, Legal Counsel ng Indra ang mosyon para irekonsidera ng BAC ang kanilang desisyon na nagbigay ng go signal sa Smartmatic na ipagpatuloy ang bidding para sa supply ng mga bagong PCOS machines.
“We are appealing, strongly appealing, the split decision of BAC, voting 3-2, declaring Smartmatic eligible to bid. It’s clear that on the matter of Smartmatic’s infirm SEC documents, the TWG was evenly split (7-7). How can the BAC see it as TWG passing the eligibility requirement of Smartmatic?” ayon kay Demata.
Magugunitang kinuwestiyon ng Indra ang legalidad ng partisipasyon ng Smartmatic sa bidding dahil batay sa kanilang SEC registration ay para lamang sa 2010 elections ang Joint Venture sa TIM.
Isa pang ebidensya sa eligibility ng Smartmatic na nadiskubre ng TWG ang kawalan ng tax clearance sa kanilang orihinal na dokumento. Nalaman ng TWG members na bagaman may kopya ng tax clearance ang Smartmatic ay hindi naman ito kasama sa kanilang original documents.
Alisunod sa procurement law sa kaso ng discrepancy ng documents/records, iiral o mananaig ang original sa mga kopya.
Sinabi ni Demata na importante ang findings ng TWG kaya nagtataka sila kung bakit lumabas ang botong 9-5, gayong ang dapat mangibabaw ay tax clearance na wala sa orihinal na dokumento.
“We will definitely exhaust all legal means to have Smartmatic disqualified for violating the laws government procurement and corporations. Our legal team is also studying now the possibility of filing of cases against certain groups and individuals if the rule of law will be continuously ignored,” pagbibigay-diin ni Demata.
