HATAW! D'yaryo ng Bayan hatawtabloid.com
ni Alex Brosas
USONG-USO pa rin naman ang comedy at ang betaranong artistang si Leo Martinez ay bidang-bida sa Gangster Lolo as Asiong Salonpas kasama ang senior citizen criminals na sina Bembol Roco, Rez Cortez, Pen Medina, Soxie Topacio and Boy Alano.
Tiyak na nakaaaliw ang movie na ito dahil panay competent performers ang nasa cast, kumbaga, walang tapon sa mga actor dahil lahat sila magagaling.
Ang kuwento ng movie ay umiikot sa isang sindikato na engaged sa holdapan at nakawan. Nang looban nila ang isang jewelry shop ay nahuli ang lahat except for Boy Alano. Since si Boy ay pinagsususpetsahang itinago ang mga nanakaw nila, tinugis siya ng kanilang leader. Habang nakakulong pa ang ibang members ng gang ay nagawang ibigay ni Boy sa mga kasamahan niya ang mapa kung saan niya itinago ang kanilang ninakaw.
Nang makalaya ang grupo, namuhay sila sa isang tenement na nakatago ang mga ninakaw nila. Nagbago na rin sila at namuhay ng patas. Naging bayani pa sila dahil nasugpo nila ang mga kriminalidad sa kanilang lugar.
The movie directed by William Mayo also stars Isabel Granada as parole officer. It is produced by Randy and Marilou Nonato and Rylan Flores under Cosmic Raven Ventures Productions. Showing na ito sa November 19.
