HATAW! D'yaryo ng Bayan hatawtabloid.com
PITOGO, Quezon – Maagang napariwara ang puri ng isang 11-anyos batang babae makaraan paulit-ulit na pagsamantalahan ng isang magsasaka sa Brgy. Poblacion ng bayang ito.
Ang biktima ay itinago sa pangalang Tessie, residente ng nasabing bayan.
Habang kinilala ang suspek na si Alexis delos Reyes Mojica, 25, naninirahan din sa nabanggit na bayan.
Sa ipinadalang report ng Pitogo PNP sa Camp Guillermo Nakar sa Lucena City sa tanggapan ni Senior Supt. Ronaldo Genaro, Ylagan Quezon PNP Provincial Director, dakong 8:30 a.m. kamakalawa nang magsadya sa himpilan ng pulisya ang biktima kasama ang kanyang ina para ireklamo ang kapitbahay nilang magsasaka sa ginawang walong beses na panggagahasa sa dalagita.
Ayon sa biktima, ginahasa siya ng suspek mula Nobyembre 1 hanggang Nobyembre 8.
Kamakalawa lamang nagawang ipagtapat ng biktima sa ina ang insidente sa pangambang totohanin ng suspek ang banta na siya ay papatayin.
Ang biktima ay kasalukuyang nasa pangangalaga ng DSWD at nakatakdang isailalim sa medico legal examinition.
Habang inihahanda ng pulisya ang isasampang kasong rape in relation to RA 7610 (Child Abuse) laban sa suspek na ngayon ay detenido sa lock-up jail ng Pitogo PNP.
Raffy Sarnate
