HATAW! D'yaryo ng Bayan hatawtabloid.com
POSIBLENG masuspinde si Camarines Norte Governor Edgardo Tallado kaugnay ng kinasa-sangkutang eskandalo sa pagkakaroon ng kala-guyo.
Ayon kay Civil Service Commission (CSC) Chairman Francisco Duque III, hindi magandang halimbawa at/o modelo ang ginawa ni Tallado.
Sinabi niya, alinsu-nod sa Administrative Code of 1987, bilang isang public official ay nagdulot ng kahihiyan hindi lamang sa kanyang opisina kundi sa buong probinsya ng Camarines Norte ang ginawa ng gobernador.
Dahil dito, maaari siyang masuspinde ng anim buwan hanggang isang taon dahil sa disgraceful at immoral conduct.
Dagdag niya, kapag hindi nagsampa ng ano mang reklamo ang kanyang asawa ay maaaring maghain ang sino mang taxpayer ng administrative complaint sa Ombudsman o sa Office of the President laban sa gobernador.
Bukod dito, pwede rin gamitin kontra sa gobernador ang pahayag sa media ni Ginang Josefina Tallado kasama na ang kumakalat na sex photo at video.
Posible rin panagutin ng Department of Interior and Local Government ang gobernador sa ilalim ng Republic Act 6713 o Ethics and Accountability of Public Officials.
