HATAW! D'yaryo ng Bayan hatawtabloid.com
ARESTADO ang mag-asawang nagpanggap na mga opisyal ng Philippine Army, sa operas-yon nang pinagkasanib na pwersa ng Rizal PNP at mga tauhan ng Cri-minal Investigation and Detection Group (CIDG) kahapon ng madaling-araw sa Rodriguez, Rizal.
Kinilala ni Supt. Robert Baesa, hepe ng Rodriguez PNP, ang mga suspek na sina Danilo at Romina Datu, kapwa nasa hustong gulang, at nakatira sa Kasiglahan Village, Brgy. San Jose ng nabanggit na bayan.
Dakong 1:20 a.m. nang dakpin ang mag-asawa na nagpapanggap na major at captain ng Philippine Army sa Brgy. San Jose sa naturang lugar.
Nakompiska mula sa mga suspek ang tatlong baril, mga bala, gamit sa paggawa ng mga pekeng ID, dry seal, sample ng mga ID, mga sulat, mission order at uniporme ng Army.
Ayon sa ulat, nagre-recruit ang mag-asawa ng mga nais maging intelligence operatives.
Mariing itinanggi ng mag-asawa na nagpapanggap silang mga opis-yal ng military ngunit aminadong gumagawa sila ng pekeng ID.
Ang mga suspek ay kakasuhan ng illegal possession of firearms and ammunitions at usurpation of authority.
Aalamin din ng mga awtoridad kung miyembro ng sindikato ang mag-asawa.
Ed Moreno/Mikko Baylon
