Killer ng ina ni Cherry Pie nagpasok ng guilty plea
NAGPASOK ng guilty plea ang pangunahing suspek sa pagpatay sa ina ng aktres na si Cherry Pie Picache.
Kinasuhan si Michael Flores, 29, ng robbery with homicide sa Quezon City Regional Trial Court (RTC) kaugnay sa pagpatay at pagnanakaw sa biktimang si Zenaida Sison habang nag-iisa sa kanyang bahay sa Quezon City.
Sinampahan din siya sa Laguna trial court ng kasong trespass to dwelling dahil sa reklamo ng isang Lilibeth Lato, ang may-ari ng bahay sa Sta. Rosa City, kung saan naaresto si Flores.
Una rito, inamin ni Flores na mag-isa niyang isinagawa ang krimen sa 75-anyos biktima noong Setyembre 19 o kasagsagan ng bagyong Mario.
Pagnanakaw ang motibo sa krimen dahil nawawala ang P500,000 halaga ng cash at alahas sa bahay.
