HATAW! D'yaryo ng Bayan hatawtabloid.com
ni Alex Datu
HIWALAY na sina Andi Eigenmann at Jake Estrada kaya balitang kung kani-kanino sila nakikipag-date.
Madalas ngayon napagkikitang magkasama sina Andi at Brent Jackson at si Jake naman, caught-in-the act umano na may kahalikang girl na itinuturong ugat ng hiwalayan ng dalawa. Kamakailan ay may nag-PM (private message) sa amin at may naka-attach na pictures nina Andi, Brent at mga kaibigan na kuha sa isang bar. Masasaya silang lahat at may picture na hinahalikan sa pisngi si Andi ni Brent.
Ayon sa aming source, magsyota na ang dalawa, three weeks na sila mula noong nag-PM sa akin at kasunod dito ‘yung napagkikita ang dalawa sa mga showbiz events tulad ng The Naked Truth. Pero nang tanungin si Andi kung makikipagbalikan pa ito kay Jake, aniya, ayaw niyang magsalita ng tapos.
Ayon sa interbyu sa aktres ng The Buzz, nagdesisyon na si Jake na mag-babago at pupunuan ang pagkukulang sa kanya pero tulad ng kasabihang ‘promises are made to be broken’ ay nagkatotoo in the process of their reconciliation na natukso si Jake sa ibang babae. Nakunan umano ang nasabing halikan at ayon pa sa balita, kaya nangyari ‘yun ay dahil nadiskubre ni Jake na ini-entertain ni Andi ang dating PBB housemate. Puwedeng isiping may ‘ganti’ factor sa dalawa.
Inamin ni Andi na nakikipag-date siya at masaya siya. Aniya, kaya niya nagawa iyon ay dahil pakiramdam niya ay naloko siya dahil umasa siyang mahal siya ni Jake.
Pinilit naman daw ni Jake na mag-sorry at ayusin ang lahat ng gulo pero ayon kay Andi, huli na ang pagpaparamdam nito.
“Natuwa naman po ako. Ipinakita niya sa akin na kaya niyang magbago. Pero para sa akin po, sana noon pa niya kinayang gawin iyon. Bakit ngayon lang na wala na? Habang kami, I never felt na I deserved it, to be ‘yung maging proud na ako ‘yung taong mahal niya. Wala akong nakuhang ganoon noon. Kaya imbes na it can be a way for me to forgive him, lalo lang akong nagalit kasi bakit ngayon pa?” sentimyento nito.
