Weekly basketball ni Daniel kasama ang mga kaibigan, wala na

 

ni John Fontanilla

NALULUNGKOT daw ang Star Magic talent at isa sa malapit na kaibigan ni Daniel Padilla na si Jon Lucas sa desisyon ng mga taong nakapaligid sa aktor na mag-lie low ito sa mga kaibigan. Ito’y dahil na rin sa kontrobersiyang kinasangkutan ni Daniel at ng isang kaibigan.

Isa nga raw ang friendship ni Daniel sa naapektuhan dahil after nga lumabas ang audio scandal ay nawalan na sila ng communication dahil hindi na rin nakakapag-text o ‘di na sumasagot sa tawag si Daniel.

Kaya naman daw ang weekly basketball nila kasama pa ang iba nilang mga kaibigan ay hindi na nangyayari.

Tsika ni Jon, “Nakalulungkot kasi simula nang lumabas ‘yung audio scandal matagal-tagal na rin kaming hindi na nagkakasama.

“Kung dati-rati almost every week nagkikita-kita kami para mag- basketball, ngayon wala na talaga.

“Iniintindi na lang namin kasi nga siguro nag-iingat na siya, kahit naman kasi sinong tao siguro ang gawan ng ganoon at alam mong kaibigan mo ang gumawa, mag-iisip at mag-iingat ka na rin talaga.

“Alam ko apektado kaming mga kaibigan niya, kasi kaibigan din niya ‘yung gumawa so kahit hindi kami ‘yun damay kami, kasi hindi naman niya naisip na kaya pala gawin ng kaibigan niya ‘yun, so naiintindihan namin kung isipin niya rin na baka kaya rin naming gawin ‘yun kasi kaibigan niya kami.”