HATAW! D'yaryo ng Bayan hatawtabloid.com
ni Timmy Basil
LABIS na nag-aalala ang dating Miss Earth Philippines winner na si Jeanne Harn dahil habang kumakain siya ay may nakagat na matigas kaya nabasag ang ngipin niya sa harapan.
Kinunan ni Jeanne ang basag niyang ngipin sa harap at sa totoo lang, ang laki na ng kaibahan nito sa rati niyang larawan na naka-full smile.
Noon ko pa kakilala si Jeanne at nabanggit ko sa kanya na siya ang beauty queen na may pinakamagandang full smile at marami ang nag-a-agree sa akin.
At dahil sa ganda ng kanyang ngiti kaya nakukuha siya sa mga commercial at isa na nga rito ay sa shampoo na mukha mismo niya ang nasa pabalat.
Paborito ring kunin si Jeanne sa corporate events. Pero ngayong nasira na ang isa niyang ngipin paano na ang kanyang raket?
A few days after, muling nag-post si Jeanne sa kanyang FB at bumalik na ang dating matatamis nitong ngiti.
Parang walang nangyari. Sino kaya ang gumawa nito’t ma-recognize man lang?
Ngayon balik na ulit sa dating raket si Miss Jeanne dahil maganda na ulit ang kanyang mga ngiti.
Angelo Ilagan, may anak na
MAY mga tagahanga pa rin ang former Star Magic talent na si Angelo Ilagan at happy siyempre sila dahil unti-unti nang bumabalik sa limelight ang kanilang idolo. Una siyang nakita sa isang indie movie na Unfriend at sunod-sunod na ang kanyang TV guesting.
Kamakailan ay napanood siya sa MMK bilang anak ni Jay Cuenca.
Wala tayong kamalay-malay pero isa na palang tatay si Angelo. ‘Di ko lang sure kung na-interview na si Angelo tungkol sa kanyang pagiging ama?
Yes, Angelo is now a father at hindi niya ito itinatago. In fact, proud na proud pa nga niyang ipinakikilala ang kanyang baby boy na si Aiden Zackary Abad sa kanyang social media accounts.
Ilang months pa lang ito at ngumingiti na at nakikinig kapag kinakausap siya ni Angelo. To quote Angelo, “’Yan po ang aking inspirasyon sa buhay kung bakit ako nagtatrabaho at magpapayaman para po sa kanya lahat ng ginagawa ko. Siya po ang buhay ko at nagbibigay ng kulay sa black and white ko na mga parte.”
May isa pa siyang caption sa photo ni Zackary. “With or without showbiz, no problem son, daddy will do anything for you.”
Nakabibilib naman si Angelo. Talagang nag-matured na siya at mahal na mahal niya ang kanyang anak.
Hindi na ipinakilala ni Angelo ang mother ng kanyang son.
Sa isa pang post ni Angelo, sinabi niya na nakipag-meeting siya kay Mr. M (Johnny Manahan) of Star Magic. Sana ay magtuloy-tuloy na ang trabaho niya sa showbiz. Kailangan niyang kumayod para sa kanyang anak.
