HATAW! D'yaryo ng Bayan hatawtabloid.com
Samantala, natanong namin si Gabby tunkol kay Andi Eigenmann na heto at okay na naman sila ng kanyang greatest love na si Jake Ejercito, “actually, since greatest love nila ang isa’t isa kaya hindi na namin masyadong pinapansin kung nag-aaway sila kasi ilang araw lang, magkakabati rin sila.”
Kamakailan lang kasi ay nainterbyu si Andi sa The Buzz na talagang sinabing naghiwalay na sila ni Jake kasi nga may kumalat na litratong may kahalikang babae ang binata.
Pero nitong huli lang ay nakita namang ka-dinner niya si Jake sa isang restaurant sa Promenade, Greenhills.
At nitong naaksidente si Andi ay kaagad na pinuntahan siya ni Jake sa hospital.
AWAY-BATING RELASYON NINA ANDI AT JAKE
Tanong namin kay Gabby kung pinangangaralan ba niya bilang kuya ang kapatid niya na paulit-ulit na lang ang isyu pagdating sa pag-ibig?
“We give advise naman at sumusunod naman siya, pero hindi naman kasi ako nanghihimasok at nakikialam sa personal niyang buhay.
“Noong bata pa siya, tutok ako sa kanya, pero ngayong nasa edad na siya hindi na,” paliwanag ng aktor.
Pinagagalitan ba niya si Andi? “Hindi kasi kami (pamilya) ganoon. The more na pagalitan mo, the more na ipagbawal mo, gagawin nila. Ganoon kasi ang (ugali) ng Eigenmann, the more na pagbawalan mo, nag-e-enjoy sila kasi bawal, eh.
“Reverse lang, sabi ko (kay Andi), we always give you an advise, it’s your choice kung pakikinggan mo. Hindi kasi kami ganoon na ‘o, ito gagawin mo,’” pahayag sa amin.
Ano naman ang say ni Gabby sa pagiging babaero ni Jake?
“Feeling ko, hindi naman ano ‘yun (seryoso), nasa sa kanila ‘yun, hindi ko kasi alam ‘yung detalyado masyado pagdating sa ganyan. What we see is what we get lang.
“Greatest love nila ang isa’t isa (Andi) they’ve known each other, mga bata pa talaga sila. Feeling nga namin meant to be talaga. Sa loob ng four years nila, on and off sila.
“(Kahit nag-aaway), They’ll always end up on each other’s arm, eh. Sabi ko nga, kung masaya sila together which tried and tested naman, eh, ‘di go. Kung masaya sila na magkahiwalay, eh, ‘di go, basta kung saan sila masaya, roon kami,” kuwento ni Dading Gabby.
Hindi ba sila nagagalit kay Jake na parati na lang nitong pinasasama ang loob ni Andi?
“Hindi, eh. Hindi ako ganoong kuya. Kasi problema nila ‘yan. Kung halimbawa nga na may ganyan, is she (Andi) allowing it? ‘Yun lang naman ang mga kuwestiyon namin kasi at the end of the day, kung hindi sila, ah ok.
“Inuunawa namin si Andi, kasi siyempre single mom siya, kung sino man ang papasok sa buhay niya, gusto mo ‘yung aalagaan siya. Who would take full responsibility and naipakita naman ni Jake ‘yun kaya wala akong masasabi sa kanya, kaya medyo malungkot na ganoon nga, nagsalita si Andi na naghiwalay sila (kamakailan), pero sabi ko, babalik at babalik ‘yan, greatest love nga nila ang isa’t isa (nangyari nga),” katwiran ng aktor.
ni Reggee Bonoan
