Pinas 3 medalya sa Wushu

SA limang araw na pakikipagsapalaran ng Philippine team ay mailap pa rin sa kanila ang gold medal sa nagaganap na 17th asian Games sa Incheon, Korea.

Kinapos si Jean Claude Saclag kay Hongxing Kong ng China, 2-0, sa men’s Sanda -60kg sa Wushu kaya silver medal ang naikuwintas sa Pinoy.

Silver medal din ang nasungkit ni Daniel Parantag sa taijiquan habang ang ikatlong medalya ng wushu ay ang bronze na galing kay Francisco Solis.

Lumaro si Solis sa quarterfinals ng -56kg men’s Sanda (combat event) kahit may bali ang tadyang.

Pero pagsampa niya sa semifinals ay hindi na nito hinarap ang kalaban na taga China. (ARABELA PRINCESS DAWA)