HATAW! D'yaryo ng Bayan hatawtabloid.com
ni Roldan Castro
PINARANGALAN ang ABS-CBN broadcast head na si Cory Vidanes ng Communication Excellence in Organizations (CEO Excel) Award mula sa prestihiyosong International Association of Business Communications (IABC) Philippines para sa kanyang epektibong pamumuno at mahusay na paggamit ng komunikasyon sa pamamahala ng mga programa at kampanya ng Kapamilya Network.
“Sa nakalipas na 28 na taon ko sa ABS-CBN, nabigyan ako ng pagkakataon na maglingkod sa mga Filipino. Gaya ng IABC, pinahahalagahan ko ang paggamit ng komunikasyon upang pagsilbihan ang ating mga kababayan para mas mapabuti ang kanilang kalagayan,” pahayag ni Vidanes sa kanyang acceptance speech na binasa ng ABS-CBN head of TV production na siLaurenti Dyogi sa awards night noong Huwebes (Sept 4).
Bilang broadcast head, si Vidanes ang nangangasiwa ng pagbubuo ng mga konsepto at ng produksiyon ng mga programa ng Channel 2, pati na ang mga proyektong nagbibigay ng serbisyo publiko sa mga Filipino.
