Tirso, dumarami ang anak sa showbiz

ni Roldan Castro

INIINTRIGA na umaalma ang ilang fans ng Guy & Pip na ginamit ang titulong Maria Leonora Teresa na ginawang horror movie ngayon ng Star Cinema at showing sa September 17. Maria Leonora Teresa kasi  ang pangalan ng manika at itinuturing na “anak” nina Guy & Pip  noong kasikatan ng tandem nila.

Ano ang comment ni Tirso tundito?

“Well, everyone has a name na Maria… Leonora… Teresa. Nagkataon lang naging kanta ko noong araw. Ano lang naman ‘yun…siguro intindihin na ibang characters naman ito. Different approach naman, nagkapareho lang ng title siguro pero iba naman ‘yung message,” deklara niya nang makatsikahan naming sa taping ng seryeng Hawak Kamay.

Sey pa ni Tirso, super sikat na manika talaga noong araw si Maria Leonora Teresa. Sa palagay niya ay mas sikat pa raw sa kanya.

Nasaan na ngayon si Maria Leonora Teresa?

“’Yan ang $64 dollar question, where it is? I don’t know right now. Hindi ko rin alam kung saan napunta. Baka may nakakaalam,” natatawa pa niyang pahayag.

Nag-asawa ba siya, birong tanong sa kanya.

“Ang huling balita ko kasi, nag-nursing, eh…sa States!,” birong sagot pa niya.

Anyway, isa si Tirso sa pasabog ngayon ng Hawak kamay ng ABS-CBN 2 dahil gumanap siyang ama nina Piolo Pascual at JM De Guzman. Matindi ang conflict na magaganap at maraming angst ‘yung character niya at kailangang i-resolve nila ni Papa P.

First time niyang katrabaho sina Piolo at JM.

“Dumarami ang anak ko,” sey pa ni Tirso dahil katatapos din niyang gumanap na ama nina Coco Martin at Jake Cuenca sa Ikaw Lamang.

Talbog!