JM at Jessy, nagkabalikan na!

NOONG Martes ng gabi ay ipinagdiwang ni JM de Guzman ang kanyang kaarawan somewhere in Quezon City. Dinaluhan iyon ng kanyang mga malalapit na kamag-anak at kaibigan sa showbiz. At siyempre naroon ang kanyang special girl na si Jessy Mendiola.

Sa mga larawan naming nakuha, hindi maipagkakailang kilala at malapit si Jessy sa pamilya ni JM. Kitang-kita ang pagkagiliw ng aktres sa magulang, lola, at mga pinsan ni JM. Patunay na kilalang-kilala ng partido ni JM si Jessy.

Sa party, dumalo ang mga malalapit na kaibigan ni JM tulad nina Ynna Asistio, Carlo Aquino, Ping Medina, Alwyn Uytingco, Joros Gamboa, at Lloyd Zaragoza. Naroon din ang ABS-CBN Drama Business Unit head na si Direk Ruel Bayani na siyang namamahala sa kasalukuyang seryeng nilalabasan ni JM, ang Hawak Kamay.

Sa mga larawan pa rin, makikita kung gaano kasaya at ka-sweet sina JM at Jessy. Kaya naman masasabing, nagkabalikan na nga ang dalawa. (HNT)