HATAW! D'yaryo ng Bayan hatawtabloid.com
BUKAS ng gabi na matutunghayan ang napakagandang boses ni Jed Madela sa pamamagitan ng kanyang All Requests 2 na gagawin sa Music Museum, 8:00 p.m.. Special guest niya rito ang sinasabing susunod sa yapak niyang si Darren Espanto.
Samantala, itinalaga naman si Jed ng NCCA (National Commission on Culture and the Arts) bilang representative ng OPM Music Industry Sector. Bale binigyang kapangyarihan si Jed para maging boses ng music sector sa mga proyekto at suportang ipututupad ng gobyerno sa pamamagitan ng NCCA.
Magiging bahagi rin siya ng Executive Council of the National Committee on Music. Kaya naman nasabi ni Jed na proud siya at honored sa pagtatalaga sa kanya ng NCCA.
Binigyang linaw din niyang hindi magiging conflict sa current set up ng OPM na pinamumunuan ni Ogie Alcasid ang pagkakatalaga sa kanya at mga gagawin niya sa NCCA. Aniya, mas malaking tulong ang pagsasanib-puwersa nila ni Ogie sa OPM para mas maaksiyonan ang kung anumang problema mayroon ang OPM.
ni Maricris Valdez Nicasio
