HATAW! D'yaryo ng Bayan hatawtabloid.com
ISANG fresh na fresh na Mayor Herbert Bautista ang aming nakaharap noong Sabado sa sosyal na event place na pagmamay-ari ni Mother Lily sa may Valencia.
Pinatawag kasi ni Mayor Herbert ang mga movie press na nagbi-birthday ng October, November, at December. Three years nang ginagawa ito ni Mayor Herbert na ayon pa sa kanya ay sinunod lang daw niya ang tradisyon na inumpisahan ng kanyang ina na siMommy Baby Bautista na noong araw ay nagpapakain ng libre sa mga movie reporter na pumupunta sa kanilang canteen malapit sa Cubao.
Next year ay magse-celebrate ang Quezon City ng Diamond Jubilee. Bale one year preparation ito at ngayon pa lang ay inuumpisahan na ang countdown to the Diamond Jubilee sa pamamagitan ng search nila for Miss Quezon City.
Bubuhayin din ni Mayor ang Quezon City Film Festival at iba pang malalaking event leading to the Diamond Jubilee.
Nagulat si Mayor dahil nagsipagtanda na ang mga reporter na kanyang nakikita at nakilala noong araw pa. Dapat daw na pag-ingatan ang health dahil ito raw ang ating kayamanan.
Naikuwento pa ni Mayor Bistek na ang Quezon City ay may clinic solely for AIDS victim. Actually, isa itong AIDS Testing Center na kung ma-diagnose ka na mayroon ka nga nito ay hindi ka nila pababayaan pang manghawa bagkus ay tutulungan ka nila for your medication.
Kadalasan daw sa mga pasyente ngayon ng Bernardo Clinic ay mga lalaki—mga male bisexual na nakikipagtalik sa kapwa lalaki o parehong male biaexual, so alam n’yo na mga kapatid?
Samantala, tinanong si Mayor kung may Instagram account ba siya? Itinanggi niya iyon pero mayroon naman daw siyang social media account gaya ng Facebook, Viber, atTwitter, pero Instagram ayaw daw niya.
