HATAW! D'yaryo ng Bayan hatawtabloid.com
KALABOSO ang isang ama nang isuplong ng tinedyer na anak na ginawa niyang sex slave ng higit dalawang taon sa Caloocan City.
Patong-patong na kaso ang kakaharapin ng suspek na si Nestor Calip, 50, ng Julian Felipe St., Barangay 8, Caloocan City, dahil sa paulit-ulit na panggagahasa sa kanyang sariling 13-anyos na anak na babae na itinago sa pangalang Gabby.
Nadiskubre ang pambababoy sa biktima nang maaktohan ng ina kaya agad ipinaaresto.
Sa sumbong ng biktima sa Women and Children Protection Desk (WCPD) ng Caloocan City Police, sa loob ng dalawang taon, pinagparausan siya ng ama sa sarili nilang bahay kapag pumapasok sa trabaho ang kanyang ina na noon ay panggabi ang duty.
Ayon sa biktima, hindi agad siya nakapagsumbong sa takot na totohanin ng ama ang banta na papatayin sila kapag ipinaalam ang ginagawang kahalayan sa kanya, hanggang mismong ina na niya ang nakasaksi.( ROMMEL SALES)
