Diana Zubiri, malakas pa rin ang appeal sa mga barako

ni James Ty III

LABAS na sa mga tindahan ang bagong isyu ng FHM na cover girl ngayong Setyembre si Diana Zubiri.

Seksing-seksi si Diana sa kanyang pictorial na patunay na kahit nag-asawa at nagkaanak na ay hindi pa rin nawawala ang sex appeal lalo na sa mga barako.

Katunayan, hit pa rin si Diana nang rumampa sa victory party ng 100 Sexiest ng FHM noong Hulyo.

Sikat si Diana noon dahil sa mga sexy movies na ginawa niya sa Seiko Films bago siya naging seryosong aktres nang nagbida siya sa isang indie film.

Bukod dito, matagal siyang naging mainstay ng sikat na gag show na Bubble Gang ng GMA bago siya lumipat sa ABS-CBN na gumawa  ng teleserye kasama sina Gerald Anderson at Dawn Zulueta.

Ngayon ay tila tahimik ang career ni Diana dahil sa kanyang buhay-pamilya ngunit dahil nagtapos siya ng kanyang pag-aaral ay puwede naman siyang sumabak sa ibang trabaho.

Bago si Diana ay naging cover girl ng FHM ang dating PBB Housemate na si Beauty Gonzales na biglang sumeksi dahil sa kakaiba niyang diet pagkatapos ng mahabang panahong mataba siya.