HATAW! D'yaryo ng Bayan hatawtabloid.com
YES, you read it right. Freelancer pa rin ang international singer na si DK Valdez. Hindi na pala magpapa-manage ang international singer na si DK sa bagong manager na si Jackie Dayoha.
Actually, wala naman talagang pirmahang naganap, usapan sa telepono at social media lang ang naganap dahil habang pinag-uusapan nila ang mga bagay na ito ay nasa US noon si Jackie.
Nang umuwi ng ‘Pinas ay isang araw lang yata ang itinagal ni Jackie sa Pilipinas at biglang lumipad ng Japan dahil may mga negosyo rin siya roon.
Balisang-balisa si DK dahil may mga bagay-bagay na dapat pagdesisyonan nila ni Jackie, lalo na ang mga pumapasok na shows sa kanya sa Europe at ang bagong album niyang ilalabas.
Namutawi pa rin ang pagiging Christian ni DK at kahit hindi pa sila nagkapirmahan ni Jackie ay nagpaalam pa rin ito sa kanya na hindi na siya magpapa-manage kay Jackie dahil nga may bagay-bagay na kailangang ng agarang desisyon pero palaging out of the country ito.
Kung sabagay, ‘di naman kailangan ng manager ni DK, kilala naman siya at siya naman ang personal na nilalapitan ng mga promoter na bilib sa kanyang kakayahan.
Samantala, nominado ang music video ni DK na Tatanggapin Pa Ba Kita sa 6th PMPC Star Awards For Music na gaganapin sa Solaire Grand Ballroom sa September 14.
By that time, nasa bansa pa si DK at tiyak a-attend siya sa awards night .
