Lady manager natulala sa holdap
HALOS matulala ang 25-anyos lady manager nang holdapin ng dalawang hindi nakilalang lalaki sa Pasay City kahapon.
Nagtungo sa Pasay City police ang biktimang si Juvilyn Rodriguez, residente ng Upper Bicutan, Taguig City na agad nagsagawa ng follow-up operations kaugnay sa insidente.
Ayon sa pahayag ng biktima, naganap ang insidente dakong 2:10 a.m. sa panulukan ng EDSA at E. Rodriguez St., Malibay ng naturang lungsod.
Sakay ang biktima ng isang pampasaherong jeep patungong Alabang, gayondin ang mga suspek na nagpanggap na mga pasahero.
Pagdating sa naturang lugar, bumunot ng patalim ang mga suspek at tinutukan sa leeg ang biktima saka tinangay ang kanyang bag na naglalaman ng Iphone 5S, Blackberry cellphone, P3,000 cash at mahahalagang gamit. (JAJA GARCIA)
