Dapat maging positibo sa Feng Shui remedies

ANG Feng Shui remedies ay very powerful, nasubukan na ang mga teknik sa pagpapabuti sa daloy ng chi sa espasyo at pag-align ng kapaligiran sa adhikain. Ngunit maaari mong pagbutihin pa ang resultang nakukuha sa ano mang Feng Shui remedies sa pamamagitan ng pagdagdag ng iyong sariling positibong paniniwala sa simula pa lamang ng paggamit nito.

Kahit na hindi mo pagsumikapan, halimbawa, sa pag-iisip ng pera sa tuwing pagmamasdan ang fish tank sa iyong Feng Shui wealth corner, ang presensya nito ay nagkakaroon ng epekto sa iyong isip at makatutulong sa iyong mapalapit sa iyong mga mithiin.

Ngunit makapagdaragdag ka ng power sa remedy kung pagtutuunan mo rin ng pansin ang pagbabago sa iyong though patterns. Narito ang tatlong madaling paraan upang magkaroon ng higit pang power ang Feng Shui remedies sa pamamagitan ng matibay na positibong paniniwala sa power ng Feng Shui – at sa iyong sarili.

*Sabihin sa sarili na “oo” kaya mo kapag nakita ang mga ito, at ngumiti. Mag-isip sumandali sa kasiyahang iyong mararamdaman kapag natamo ang iyong hinahangad.

*Ipagpasalamat tuwing umaga ang lahat ng biyayang tinanggap at higit pang biyayang matatanggap. Kapag napansin ang espesipikong Feng Shui remedies sa iyong bahay, mabilis na magpasalamat na para bang natanggap mo na ang iyong mithiin na may kaugnayan sa nasabing object.

*Usalin ang mabilis na positibong pagpapatibay habang inilalagay ang bawa’t Feng Shui object sa wastong trigram, at ulitin kapag muli mong napagmasdan. Itatak sa iyong isip ang mga adhikaing ito, at tiyak na mahihikayat kang simulan ang pamumuhay na para bang iyo nang natamo ang iyong mga mithiin.