HATAW! D'yaryo ng Bayan hatawtabloid.com
ni Peter Ledesma
SA big presscon ng Regal Entertainment para sa belated birthday offering ni Mother Lily Monteverde na “Somebody To Love,” bukod sa kanyang kissing scene kay Isabelle Daza ay natanong si Matteo Guidicelli sa tatlong babaeng naiugnay sa kanya na sina Maja Salvador, Jessy Mendiola at kasalukuyang girlfriend na si Sarah Geronimo.
Para sa hunk actor ay may kanya-kanyang katangian ang tatlo, on Maja Salvador – “very, very nice. Very pretty. Good person. I’ve learned a lot from her and no regrets. Maja made me mature. Maraming bagay na I learned from her. I’m very thankful to her.”
On Jessy Mendiola – “Partner ko sa Paraiso. She’s a cool girl. I’m very happy for her dahil nahanap na niya ‘yung daddy niya. Nagkita na sila. I think Jessy is very happy with her lovelife now yata. Parang masaya siya ngayon.”
At para naman sa kanyang special girl na si Sarah ay narito ang tugon ni Matteo. “What can I say? My dream come true, ‘di ba? Happiness close to perfection.”
Yes, hindi talaga maitago ang pagiging in love ngayon ng actor kay Sarah na itinuturing niyang somebody to love. Although hindi pa raw ganoon ka-strong ang foundation ng relationship ng dalawa pero pinagsisikapan nilang pareho na mapunta sila sa ganoong estado. Samantala very thankful, pala si Matteo kay Mother Lily at isinama siya saSomebody To Love na ang pelikula ay tumatalakay sa siyam na karakater ng iba’t iba nilang love story. Kasama ng actor sa pelikula sina Carla Abellana, Iza Calzado, Jason Abalos, Maricar Reyes, Isabelle Daza. Ella Reyes, Albie Casino at Kiray Celis. Si direk Joey Javier Reyes ang sumulat at nag-direk nito. Mapapanood na ang Somebody To Love ngayong Miyerkoles, Agosto 20 at palabas ito sa maraming sinehan nationwide.
Hala sugod na sa inyong favorite theaters gyud!
COCO AT KC MALAKAS ANG DATING NG TEAM-UP SA IKAW LAMANG 2
Hindi mo na talaga pwedeng tawaran ang pagiging actress ni KC Concepcion na lutang-lutang ang husay at galing sa mga eksena nila ni Coco Martin sa Ikaw Lamang Book 2. Unang araw pa lang nang parehong magtagpo ang character nila bilang si Gabriel (Coco) at Natalia (KC) ay matindi na ang mga eksenang ginawa ng dalawa. Nakasuot pangkasal si KC at iniligtas siya ni Gabriel sa lalaking pakakasalan sana. Pero drama lang ang lahat dahil si Gabriel din ang lahat ng may pakana para ‘di matuloy ang kasal. Paghihiganti kay Franco (Christoper de Leon) na senador na ngayon at kay Natalia ang pakay ni Gabriel kaya gagawin niya ang lahat para mahulog ang loob ni Natalia sa kanya.
Samantala ipinakita na rin ang character ni Kim Chiu bilang si Andrea. Ibang atake naman ang ginawa ni Kim sa kanyang role at bagay na bagay siya sa mga kikay na eksena rito kung saan nagda-drive pa siya ng motor. Sina Arlene Muhlach at Smokey Manaloto ang nag-aruga kay Kim samantala si Gabriel ay lumaki naman sa piling nina Calixto (Noni Buencamino) at Rio Locsin. Lumabas na rin si Joel Torre bilang si Samuel at asahan na isa sa mga parating na episode ay lalabas na rin ang character ni Amy Austria bilang old Isabel. Mapapanood ang Ikaw Lamang 2 pagkatapos ng Hawak Kamay sa Primetime Bida ng Kapamilya network.
