Pang 100 times, na halikan nina Maya at Ser Chief mapapanood today sa Be Careful …

ni Peter Ledesma

Yes, simula nang maging sila hanggang sa lumagay sa tahimik at magkaroon ng kambal na anak na sina Baby Sunshine at Baby Sky. Ngayong araw na ito ay masasaksihan ng viewers ng No. 1 teleserye sa Daytime na “Be Careful With My Heart” ang pang 100 times na halikan ng mag-asawang Lim na sina Maya (Jodi Sta. Maria) at Ser Chief(Richard Yap). Matatandaang sa nakaraang mga episode ng Be Careful ay nagkatampuhan ang mag-asawa pero naayos din naman nang suyuin ni Ser Chief ang kanyang misis.

Ngayon, tuloy sa pagkayod ang dalawa, si Ser Chief inaasikaso ang kanilang negosyo samantala si Maya ay nagtatrabaho pa rin bilang flight steward sa isang Airline Company. Pero busy man pareho sa kanilang trabaho ay may time pa rin sila sa kanilang twins na sobrang kinaaaliwan nila at mga anak ni Ser Chief sa unang asawa na sina Nikki (Janella Salvador), Luke (Jerome Ponce) at Abby na ginagampanan naman ni Mutya Orquija. Huwag palalampansin ang very exciting na episode mamaya sa nasabing kilig serye na mapapanood pagkatapos ng The Singing Bee.