Lisensya naging peke nang tubusin sa pulis

INIREKLAMO ang isang bagitong traffic policeman dahil naging peke ang lisensya ng isang jeepney driver na kanyang hinuli sa traffic violation sa Tondo, Maynila.

Si PO1 Arni Campo, Jr., nakatalaga sa Manila Police District-Traffic Division, ay sinampahan ng kasong swindling at paglabag sa Article 172 Falsication by Private Indivual and use of Falsified Document, ng biktimang si Michael Paglinawan, 28, ng Lot 21, Phase 1-C, Bonito St., Navotas.

Sa reklamo ni Paglinawan, hinuli siya ni Campo noong Hulyo 21, sa Juan Luna St., Tondo, sa kasong obstruction kaya kinompiska ang kanyang lisensya.

Nang matubos ng driver ang kanyang lisensya sa Manila City Hall ay nakita niyang nagbago ang kanyang lisensya at iba ang mga numero.

Agad inireport ni Campo sa Land Transportation Office (LTO) ang lisensya kaya natuklasan na peke ang ibinalik na lisensya sa kanya nang tubosin sa MTPB. (LEONARD BASILIO/may ulat ni John Bryan Ulanday)