HATAW! D'yaryo ng Bayan hatawtabloid.com
NANGANGAMBA ang kampo ni Janet Lim-Napoles na muling lumala ang kondisyon ng kalusugan ng negosyante kapag nailipat sa Camp Bagong Diwa sa Bicutan, Taguig City.
Ayon kay Atty. Stephen David, natukoy na ang sakit ni Napoles kaya sapat na itong basehan para bigyan ng konsiderasyon ang kanilang kliyente.
Dahil dito, sinisikap ng panig ng depensa na maharang ang paglipat sa binansagang pork barrel scam queen. Una rito, hiniling ng prosekusyon na ilipat na si Napoles sa BJMP mula sa Fort Sto. Domingo dahil sa malaking gastos na inilalaan sa mga convoy tuwing inihaharap sa mga pagdinig ng anti-graft court.
Giit ng prosecution lawyers, marami ang apektado kung magkakahiwalay ang kinaroroonan ng mga akusado.
