HATAW! D'yaryo ng Bayan hatawtabloid.com
ni Alex Datu
PAPEL ng isang doktor ang gagampanan ni Dr. Manny Calayan sa isang indie film, angMagtiwala Ka na bida sina Keanna Reeves, Andrea del Rosario and introducing si Kevin Mercado.
“True-to-life ang role ko, isang doktor pero hindi ‘yung cosmetic surgeon kundi nanggagamot sa mga may sakit,” paliwanag nito nang nakausap namin sa phone. Inamin nitong nagandahan siya sa istorya lalo pa’t mga Yolanda victim ang tinatalakay sa indie film. ”Napanood ko ang movie, maganda ang pagkagawa, maganda ang mensahe na tiyak gigising sa diwa mga kababayan natin at marami kang matututuhan dito tulad ng distribution of relief goods, tubig at pagkain. Tiyak magdurogo ang puso mo kapag napanood ninyo ang pelikula dahil on the spot video footage ang makikita ritonkaya napabilib ako ni Direk Joric (Raquiza), bata pa siya pero magaling.”
Ayon naman kay Direk Joric, mga makabagbag damdaming eksena ang mapapanood saMagtiwala Ka at malaking tulong ang actual video footage para magiging makakatotohanan ang pelikula. Mga biktima mismo ng bagyo ang kasama sa pelikulang kaya tiyak mararamdaman natin ang hirap ng kanilang kalooban habang pinapanood sila.
May pinanggagalingan si direk Joric kaya sobrang makatotohanan ang paggawa ng pelikula dahil isa siyang biktima ng Yolanda. As in, lahat ng ari-arian na naipundar nito ay nawala lahatvsa isang iglap lang.
Aniya, “For me, it’s only a material pero nagpapasalamat pa rin ako sa Diyos dahil buhay pa rin ang pamilya ko.”
Ang Rhythmtion ang kumanta ng theme song ng Magtiwala Ka na kasalukyang palabas na sa SM Cinemas, Robinsons Theaters, Ever Commonwealth and Ortigas. And speaking of Dr .Calayan, may ‘Rainy Season Promo’ ngayon ang Calayan Surgicenter tulad ng pagbibigay ng 20% off on all surgeries. Kaya, avail now dahil hanggang August 31, 2014 ang nasabing promo.
