HATAW! D'yaryo ng Bayan hatawtabloid.com
TODO-deny si Pancho Magno na girlfriend niya si Max Collins. Kahit anong kulit na mas may oras na sila ngayon dahil katatapos lang ng serye ni Max, consistent sa pagsasabi si Pancho na sobrang busy si Max.
Saan naman kaya busy? Ha!ha!ha!
Sobrang bestfriends daw sila ni Max pero wala namang ibang crush si Pancho kundi ang aktres.
Hindi rin nanliligaw sa iba si Pancho at hindi rin nagpapaligaw sa iba si Max. Bakit hindi pa nila seryosohin ang sitwasyon, aber? Right timing pa raw ang hanap nila.
AIKO, PINATAWAD AT IPINAGDARASAL SINA ARA AT MAYOR PATRICK
BAGAMAT napapabalitang ikakasal na sina Mayor Patrick Meneses at Ara Mina, hiningan ng komento si Aiko Melendez tungkol sa dalawa.
Ex-boyfriend ni Aiko si Patrick at matagal na ring may sigalutan sina Aiko at Ara dahil kay Jomari Yllana noong araw.
Sa panayam ng Aquino & Abunda Tonight ay sinabi niya na hindi lang niya napatawad ang dalawa kundi ipinagdarasal pa niya.
“Mahirap man isipin… Dapat ‘pag healed ka na, ‘di ba, mapagdarasal mo na ‘yung tao, so that’s what I do now. I pray for them,” deklara pa ng aktres ng Asintado para sa Cinemalaya under the direction of Louie Ignacio.
Patuloy pa ring itinatanggi ni Aiko ang tsismis na nagkabalian na sila ng kanyang mister na si Jomari.
‘Yun nga lamang!
LUV U OLD AND NEW CASTS, MAY AWAY?
NAGBALIK na ang dating cast ng youth-oriented comedy show na Luv U na napapanood tuwing Linggo ng hapon sa ABS-CBN 2 gaya nina Miles Ocampo, Kiray Celis, Igi Boy Flores, at iba pa. May rivalry bang nangyayari sa dalawang batch ng Luv U?
“Hindi naman po, kasi actually iyong mga dating member ng ‘Luv U’ ay kasama namin sa ‘Goin’ Bulilit’. So, hindi kami magkakaroon ng rivalry…Sinabi naman ng mga writer na halimbawa ‘yung characters ng old, parang, ‘di ba, dati ‘yung new roon ay sila lang ‘yung may problema? Ngayon, ime-merge na nila, ‘yung old and new ay magkakaproblema rin. So, parang pantay-pantay lang,” paliwanag ni Nash Aguas.
