HATAW! D'yaryo ng Bayan hatawtabloid.com
PATAY ang isang guro at sugatan ang kanyang ina’t dalawang anak matapos hatawin ng tubo ng kapitbahay na nanloob sa kanila sa Bula, Camarines Sur.
Kinilala ang namatay na si Noreen Albao, grade 3 teacher habang sugatan ang kanyang inang si Amparo Navo, 70 at dalawang anak.
Agad nadakip ang suspek na si Luis Relatibe, kapitbahay ng mga biktima.
Ayon sa pulisya, bandang 5:00 a.m. nang maganap ang insidente matapos puwersahang pumasok ang suspek sa bahay ng mga biktima na mahimbing na natutulog.
Nalaman ng mga kapitbahay na may masamang nangyayari nang marinig ang sigaw ng siyam-taon gulang na anak ng biktima kaya tumawag na ng pulis.
Nang siyasatin ang mga biktima, may mga sugat sila sa ulo dahil sa palo ng tubo.
Nawawala rin ang LED TV at cellphone ng mga biktima.
ni JETH SINOCRUZ
